一個月

好快就黎到7月最後一日
上個月就同公司說了再見
下個月就要開始返新工
說一下來日後的日常

單車
每個日本人必備的物品
老公公, 家庭主婦帶住2個BB, 短裙學生妹一樣照踩單車
上超長斜都難唔到佢地 (傻了眼)
我都買左架小型, 但沒有波數, 單速, 踩到我想嘔泡

銀行
應該最普遍都係會去郵局銀行開戶口, 方便又快捷
但我戶口依據係個位數, 因為仲未存款
同埋信用卡係點先申請到?依然未知, 尚未示意

車費
由新界搭出港島只係$20多D, 但呢度由多摩去新宿(半小時)已經340円, 即係$30左右
搭車真係係日本最最最高消費既玩意
所以要識慳真係要由車費度慳
例如搵定搭邊條線最抵, 有冇COUPON 用, SUICA (即日本8達通)可以便多少少
如果去玩, 可以買D一日卷任搭唔嬲

三餐
因為BUDGET 有限, 我都唔敢成日出街食野
最多夜晚唔想煮就食個牛丼, 或者そば, 都要350-400円
但一D 都唔夠飽!
而家經常去附近既SUPA 買餸煮飯
做左個郭師奶...
不過事實係超市D 野都唔便, 只係可以食到BALANCE D 同可以食自己喜歡既野
我完全冇諗過蕃茄一袋3個要290円
普遍既菜都要150円以上
反而呢度既豆腐我覺得最抵食$5 有一專

天氣
之前一直覺得日本天氣ICHIBAN
點知而家夏天, 我覺得自己去左泰國
日日34度 太陽高高掛
雖然冇HK 又濕又熱甘討厭
但出親街預左例成身濕晒
仲一定要搽防曬!因為真係會曬到甩皮!

購物
去得日本就緊係SHOPPING
但一直都冇咩買過野, 除左日用品
我忍左手好耐, 好多野想買
慾望無限ASK FOR MORE
係HK 想便可以去H & M
係日本想便只有去UNIQLO 同GU
不過日本真係冇咩便既野, 就算二手都係貴 (對我地呢D 窮人來說)

仲有日本人其實都係極祟洋
唔係淨係話港女, 日本男女都一樣
而且而家大量外國人流入日本
外國人放個屁都香D...

隅田川花火大会

黎到日本, 夏天呢個季節
理所當然既事就係睇花火同穿浴衣既少女 (心心眼)
其實全日本有大大少少既花火大會, 只怕你唔去睇
而東京呢邊最有名既就係隅田川呢個
係最大同最多發, 所以會吸引極多人去觀賞
本身諗住單身仔一條就無謂出去同人家地D情侶, 一家大細迫
(雖然好想親身體驗下, 話晒第一次夏天黎日本)
點知, 新朋友有意無意下都話想去
於是5點急急腳起程
約左係押上附近睇, 仲可以近觀SKYTREE
其實真係好多人又好熱
不過日本果種多人, 你係唔會覺得辛苦
只會覺得去同走比較慢
香港睇煙花就真係攞苦黎辛...
由於地點唔係最好, 冇想像中甘震撼
但都已經夠美好夠滿足 (雖然身邊差個浴衣少女)
好期待下一次的情景 (笑)

浴衣少女真係會令人融化

夢幻街少女 (耳をすませば)

原來而家住緊既多摩市

正正係電影 夢幻街少女 (耳をすませば) 既場景

電影裡面描繪既市鎮就是多摩市

簡單 平靜 清幽 四處大自然生機 就是這個市鎮的描述

而主要場景聖蹟桜ヶ丘 就只是10分鐘路程就可以走到

未睇過呢套電影, 快一點睇睇吧 很有愛

要參觀圖中景點只要一點點氣力,半小時就可完成
因為過左河就開始上山, 其實都會有點累

地球屋

日本朋友 - shunta

來到日本後一直都失去靈魂
日文又講得唔好
所以不能跟日本人太深交
最近
SHAREHOUSE 來了一個男生
他是準備大學畢業來東京進行面試
初時他有點孤寂
我忍不住走去撩他說話
結果成為好友
原來他十分健談
可以他面完試就要走, 準備返名古屋
但呢個星期, 多得呢位朋友
教左我不少日文, 又整左好好食既鍋
大感謝

見工

HEA 下HEA 下甘就過左差不多2個禮拜
去遊玩既地方不多
亦都冇甘多彈藥每日周圍去

話說呢個禮拜見到2份工
第一份係SHAREHOUSE 既工作
約左3點, 我2點半到
但佢就要我等到3點先走過黎IN (明明佢地已經坐晒係度傾計)
IN 我係一個韓國人
佢操一口流利日文, 但我都聽得明6,7成的
就是甘, 整個INTERVIEW 唔洗15分鐘
第2晚就收到MAIL 話不合格
其實都預左第一次冇咩好結果
只是踏出第一步, 第一次係第個地方面試
緊張到不停肚痛 (死忍)

琴日就去左間酒店面試
原來是GROUP IN
同行有另外4個 (1個應該係大陸仔, 1個台灣仔, 1個中東仔, 仲有1個韓國人)
其實大家D 日文都半桶水, 鬥HEA, 只係那個台灣電車男日文異常的好
我覺得你有料就唔好黎同我地爭做PART TIME 既飯碗, 好不好
然後, 英文, 當然是我們香港人最自豪的
但還是要下禮拜等結果吧 (雖然希望極微... :[  )

要再努力努力了

鎌倉と江ノ島

暫時都找不到工作

所以決定去周圍遊歷一下

之前已經想去鎌倉一段時間

因為整個地方在係海邊

就是只看相片也覺得舒服的地方

由於星期6, 電車都極其多人

仲有好多去海灘既辣妹

先去鎌倉再去江ノ島

鎌倉充滿各色寺廟

但睇1,2 個已經足夠

以前已經睇過好多廟

然而鎌倉最出名就係SLAM DUNK 片頭一個地方

<鎌倉高校前>

由於是日天氣超いい 

感覺都幾熱血

江ノ島街上滿是日本恋人

一對對好不羨慕

呢個地方主要係登上燈塔睇風景

去到登上去既地方

竟然有電梯仲要收1000羊 (包燈塔費)

但原來登上去只要20分鐘

想不明白點解其他人會白白比1000羊 (可能因為日本女仔都著高跟鞋吧)

不知不覺行到去盡頭

對著一望無際既海

心是有一點掛念香港

太舒服了...

HELLO WORK

早幾日去左新宿歌舞技町既HELLO WORK

就是幫外國人找工作的地作

填左張複雜而簡單既FORM

然後同一個日本一個中國職員商談

我說我想找一些係会社做既工

佢地一睇就狠狼地BAN 我

然後就巴巴巴地說我日本不好, 對答亦不流利

叫我做廚房罷了

但我睇在場及知道的都不是每個人都日文十分流利

我知搵工是難, 但都未至於這樣吧

我亦見過就算日文一點都不曉既都搵到工

所以好懷疑呢條大陸女人根本冇心同看小我

然後不甘心於是決定再去另一間JOB CENTER

原來呢間係冇幫忙外國人

但那個日本叔叔就好用心幫我去試我想見既每一份工

就算我最後都冇成功得到一個面試機會

亦覺得佢既用心

還是過一段時間再找工作吧

現在日文真的比較下手

聽力還是好弱...

困る。。。

pizza party

幾日前識到第一個SHARE HOUSE 朋友
然後他好好人邀請我參加佢地既PIZZA PARTY
其實只係佢會整PIZZA 比大家食
於是, 今晚有6個人一齊食下PIZZA
介紹下, 又識多幾個新朋友
いいね

河口湖

話說早幾日搭飛機黎果陣
竟然同之前中學同學同一班機到東京
世事會否這麼巧合?
然後, 由於本人太無聊所以問佢地既行程
就這樣, 約左一齊去河口湖觀富士山
天都未光6點出門同上班一族迫電車
仲要趕不上特急, 只差一點點就遲到
到着後異常好天氣
UV指數達100, 最後冇搽太陽油下變成3個紅豬俠
話說這個雖然只是一日遊
但原來只是短短幾日已覺得有點點孤寂
獨自在外其實也不是特別楽しい
尤其未找到朋友, 另一半既情況下

然後, 其實河口湖只有2個比較好既景點だけ
半天已足夠, 免得同一大班支那とお婆さん迫

登陸 / 國民保險 / 携帯

一日內做了三件事
早早爬左過去市役所 (還好琴晚識左個新朋友, 話左比我知個地址)
同香港D政府合署感覺差不多
但香港只有おばあさんとおじいさん
日本就有年輕一代既職員 (但也是不懂英語的...)
因為唔知頭唔知頭, 填完FORM呆坐
一路都唔係好知/明白自己做緊什麼
只知道黎到日本一年, 一定要14日內拿張RESIDENT CARD 去登記住所
通常登陸完, 佢都會問你順唔順個便做埋國民保險
這個国民健康保険其實係要每月交一次$
我地呢D 就每月1000円、第一個月1500円
每個月乖乖地去銀行或郵局交$ 便可
入左呢個保險, 以後有病睇医者去病院就可以有減免
而實情減幾多呢, 本人真的一頭霧水
其實一唔只係明白個職員一半半
連做完左手續都仲呆坐左15分鐘
個職員返黎問我仲等什麼????



然後, 又搭電車GO 出市區
去原宿都要480円 (快窮死了 T^T)
問左一間SOFTBANK 開携帯
但佢唔肯比我揀新款機又話因為要2年
又想迫我JOIN 多幾個組合
最後一野推左佢, 搞左半個鐘咩都冇買, 速閃
再去問下au, 諗住會便d
點知仲貴又唔靚
不死心由原宿行到去涉谷
問下docomo, 要等1小時
最後去左隔離條街既 softbank 再問
g/f 果個男仔淨係招呼女客人
就算最後我走埋去問佢野
佢都只係草草答左句 "2階です”
上到又問, 又叫我上3階
到左3階已經好累...第一個staff 仲同我講又要等1小時
絕望之際, 有個比較黑皮膚既staff 用一口流利既英文同我講野
仲即刻有等搞
又有得揀新機, 而且用最便既plan 都大丈夫です
感恩, 終於出到携帯電話
０機價, 1008円/月 (一年後取消合約要比多10000円）
不過要買多過價值1188円既差電

臨走問佢有冇禮物送 (簡直要我R爛塊面)
佢比左個iphone 後備電 (香港用唔到, 係日本又唔用iphone, 我要來幹什麼?)
同開左張 T POINT 卡儲分 (聽聞周圍都用到, family mart 都可以, 儲完分可以用黎交電話費)


另外, 如果介紹朋友黎我間sharehouse住, 好似可以有10000円 discount......

到步

由於5點已經抵達機場, 而個SHAREHOUSE 又約左10點先接我
唯有漫無目的慢慢行慢慢搭電車
但係去到多摩市京王永山駅都只不過8點...
食左個老MAC 坐坐下訓著左
訓醒果刻突然好掛住麥麥送 (其實係香港都唔多食M記)
終於等到10點
去到我既落腳點

 感覺不錯, 只是有點陌生
一想到離家一年就有點怯既感覺

執好晒野既房
其實同我係香港一直想營造既房間感差不多
但最好多隻狗, 所以我帶左BU 頭黎比我解想思之苦

夜晚終於開左個人第一張會員卡 (其實唔知有咩用, 只係知道日本有會員卡實冇死)
依然係同D 日本人雞同鴨講
還好, 他們超樂於助人
就算我買錯野, 買貴左, 想換野都絕無拓手爭
呢樣野係香港永遠搵唔到既

起飛

等了又等
終於都要出走
母親大人特定請左一天假陪我
妹亦都放工趕過去機場
同行仲有4位好友
真心體會到親情友情既難能可貴
但最擔心最掛念都係我2個隻寶貝
希望你地生生性性等我返去

話說落機已經係凌晨4點多
係飛機上睇埋日出