上野動物園

聽過上野動物園呢個名好耐好多次
但真係冇咩動力去
雖然本人好鍾意睇動物 (discovery channel 果 D)

但難得友人由大阪黎到
係佢既邀請下, 就決定去探索下

最受歡迎是國寶大熊熊
不過係HK 同廣州都睇夠
而其他我覺得最有感興趣其實係河馬同犀牛
真係第一次真身見到
原來係好大隻

不過就算呢到D 動物幾大都好
佢地多數都係自己一個地方, 然後好細既困住
總覺得ちょっと寂しい

嗯,....睇完動物園我好返DL 返模擬動物園黎玩
我覺得我可以搞得更有聲有色 (笑)

PS 夜晚去左下北沢
只是一個比MK 好少少既地方既感覺

青春18之旅 - 高知 / 愛媛

天朗氣清既一天
又係一大早起身
但同行3位訓到昏迷一樣

食過朝食再浸完浴就去足摺岬一逛
風景是靚可惜突然一場雨
真掃興!
然後又要帶著又熱又濕既身驅上路

話說今晚是最後一站既行程
亦都係最後重頭戲 - 道後温泉
所以諗住早D 去CHECK IN 然後早到早享受
殊不知 原來由足摺岬去要5個小時既車程
比死更難受

途中真係要靠各位既笑話同鬼故幫手先最後挨到去愛媛県

道後温泉既感覺係周圍D 建物好懷舊好有特色
而原來呢個地方係<千與千尋>既場景
都係返到黎日本朋友講先知好出名

然而重點係今晚間酒店每人盛惠17000円
夕食是超強陣容
真係食完先覺得人生由呢一刻開始
同埋感覺自己好似去左拍TBB 旅遊特輯

之後再出去行下, 享受下呢度既環境同放埋最後既HANABI

呢張叫去去武器走 ._.

青春18之旅 - 高知

又大清早就起身趕路
其實點解D 行程要甘趕, 極辛苦的說
去TOYATA RENTAL CAR 拎車
第一次身在日本駕駛
不過D 燈位真係唔知點搞
紅燈又開綠燈又開...
今日第一站係要去四万十川
CHECK 完個GPS 要3小時
已經眼突
係香港都未揸多個2小時
不過其實唔算難, 因為一路都係高速公路
但其間7左一次, 因為要過高速以為自己有ETC, 打算直衝收費站
怎知係冇GA! 仲要比人截停一邊比現金
堅係7到冇朋友
如果係HK, 已經比人BU 到嘔奶, 還好呢度係日本 (嗚呼)
之後順利地去目的地
但就快到既時候, 一輪暴雨將大家既心情打到谷底
呢幾日來都好好天, 點解突然會暴雨
仲要日本D 暴雨係唔野少
真係會浸死你果隻
好無奈甘坐係車等待奇蹟
等左陣開始細雨...  於是急不及待行去沉下橋玩
雖然一路落著細雨
如果唔係呢度景色太靚太壯觀
其實個FEEL 有D 似新娘潭果邊, 夜晚都應該幾驚

呢個地方真係超級爆偏僻
不過又真係好靚
仲要天氣唔太好, 加埋D 霧
好似仙景
但係慘喇, 想搵野食既時候係可以一點點都找不到架
找左成個小時, 係餓到就暈到之前搵到一間SUPER
個便當仲要280円だけ
買完出面仲要有彩虹!
係我人生第2次親眼見到彩虹!
感覺好運好似一日用晒甘

之後起程去足摺岬, 係四国既最南端
又3小時車程,真心想訓
本人黎到日本之後係KEEP 住每日都要午睡的
最慘同行得我有車牌 T_T
然後去到目的地前既一座山
只可以唱返首 <煙霧迷漫>
係大霧到如果我行落車2步就會消失的地步
一步一驚心, 開晒什麼大燈高燈都冇用

有驚冇險終於去到酒店
係和室仲有夕食
感動!!
終於有覺好訓有餐好食!

食飽去玩花火, 好日劇
感覺好唔真實
不過好玩, 但7的我地玩到太夜酒店鎖了門
要跪求路人借電話相助

青春18之旅 - 德島 / 高知

一大早由高松市出發去德峊既大步危

黎到高松市 (香川県又名烏冬県) 當然食返個烏冬先走人啦

之後又要搭幾個小時車去大步危

沿途已經好似進入森谷

架電車一路係座山行走, 外面就望到奶白色既河

應該係四國先感受到呢種氣氛

到步後, 一行4人竟然好威甘諗住行9KM 穿越高山睇吊橋

行左2佪巴士站已經心知不妙! 

差一步就中暑架喇

好好彩突然有架巴士出現

什麼都不理 衝左上車

果一刻有想哭既衝動

幾經波折, 終於去到かずら橋

係一條搖搖欲墜, 差錯腳都有機會跌落去既橋

其實遠睇唔驚架, 對於我呢佪大膽仔黎講

但原來行到上橋又係另一回事, 雖然唔算好高

但係遊人極多, 以為返左大陸定係香港

初時仲以為可以一個一個地過橋 .......

由於人太多, 條橋真係搖到... 

行完去食餐好野補償心靈

食呢度出名既燒魚+そば

之後再去睇下瀑布 & 落下水

真係覺得呢個地方好靚好舒服

總括黎講, 呢次四國旅程

大小步色 + 祖谷係我最喜愛既地方

回程去高知市

呢個地方出名一種魚 <鰹>

食左餐千幾円既定食

同甘岩呢一晚有花火大会!

順帶一提

今晚真係收到SH MANAGER 寄黎既車牌

嘩, 實在所有事都太順利喇今日

幸せ!

青春18之旅 - 德島 / 香川

本身第一日既行程係去香川県既小豆島, 但台風關係被迫取消
我地之前亦都諗住取消果度間HOTEL 既BOOKING
但搵唔到取消既LINK, 又冇CONFIRMATION, 最後以為取消ED
點知琴晚個大叔打黎要我地100% 找數
怯!!
事情點解甘唔順利!
最後我地決定走數 (因為同行友人是出名走數王)

然後一早打比SHAREHOUSE MANAGER
拜託佢去入我房拿我張國際車牌再一日內宅急便比我地
講出黎都覺得麻煩兼冇可能做到
但最終比我地打動到, 感謝!!

出發! 搭6個鐘車去德島
參加全國最大型既阿波踊り祭り!
去到已經6點有多, 祭典亦馬上開始
第一次參加日本既祭典
覺得超興奮又緊張
雖然要咩住大大舊既行李又熱到嘔電

然後 8點半又要急急腳上路返香川県既高松市

因為阿波踊り, 德島市全部酒店都FULL BOOKING , 要避走高松市

如果下次再走呢d 祭り, 都係3個月前要plan 定, 否則好似我地甘lei hea

其間發生小插曲, 原本plan 住搭果班車係特急, 我地搭唔到

唯有改搭慢吞吞普通列車, 最後要11點幾先到達目的地 (比原定慢左2小時, help)

簡直係煎熬, 晚餐又未食

仲要好搞笑地竟然去錯hotel check in

去到間好高級, 大堂勁華麗

心諗終於有覺好訓

最後我地check in 果間......

不要說了, 都係訓幾個鐘又再上路

青春18之旅 - 四国

每年有2次機會可以用到青春18車票
當然要好好利用, 用最平既方法去盡日本好玩既地方
早係7月尾已經相約3位HK WHV 既朋友仔
討論後決定去從來冇諗過既四国 (本身一早自己想去東北睇大祭典T_T)

但呢次旅程真係崎嶇又刺激
本身PLAN 好了10日->16日
但一個超強既12號台風完全打亂我們既PLAN
去好, 唔去好?考慮左幾日都係決定唔識死照去
但會CANCEL 頭2日行程, 即係得返5日而已 T_T


然後因為其餘3位團員都係住係大阪
本人要隻身上路先去大及匯合佢地
係佢地屋企過一晚夜再出發
原來由東京去大阪都真係唔簡單
因為青春18既關係
只可以乘搭普通, 快速既列車
足足搭左9個幾鐘, 轉左9程車
平時d 人話夜行巴士先3千幾4千幾yen
點解要搞到自己甘辛苦
坐到pat 都就快裂開
又識唔到人, 因為好多都係老人家回鄉下
最後10點起程8點左右抵達大阪
由於第一日既關係, 體力還可以
同團友們食個晚餐

其間發現因為本人出門太急趕
最重要既國際車牌竟然冇帶
OM FUCKING SHIT
於是, 大家一整晚就想盡辦法點樣可以拎返個牌
辛苦晒
真係估唔到一開波就要進入作戰狀態...

仲要幫手換燈, 辛苦!

比卡超大量発生

好了
是日特登山長水遠去横浜
就是為了比卡超因電影而特別宣傳既活動<比卡超大量発生>
傳聞會有一千匹比卡超會係横浜內出現
事實係我見到一次巡遊加間中幾隻
加埋應該都冇50隻
まさか？？
應該係我MISS 左D 重要既時間同地點
好後悔 T_T
因為真係好搞笑D比卡超